കുമരനെല്ലൂർ: വേഴുർകുന്നിൽ വയോധികന് തെരുവുനായുടെ കടിയേറ്റു.ഇന്ന് വൈകിട്ട് 6 മണിയോടെയായിരുന്നു സംഭവം. വീടിന് സമീപത്തു വെച്ച് പുറകിലൂടെ എത്തിയ നായ വേഴുർകുന്ന് സ്വദേശിയായ വയോധികനെ അക്രമിക്കുകയായിരുന്നു.
കാലിനാണ് കടിയേറ്റത്. ഉടൻ തന്നെ ബന്ധുക്കൾ പൊന്നാനി താലൂക്ക് ആശുപത്രിയിലെത്തിച്ച് ചീക്ത്സ നൽകി. മുൻമ്പ് വേഴുർകുന്ന് മേഖലയിൽ തെരുവുനായുടെ അക്രമണത്തിൽ 4 പേർക്ക് പരിക്കേറ്റിരുന്നു.
പലപ്പോഴും സ്ക്കൂൾ കുട്ടികളെയും തെരുവ് നായ്ക്കൾ അക്രമിക്കാൻ ശ്രമിച്ചിട്ടുണ്ട്. തെരുവ് നായ ശല്യം വർദ്ധിച്ച സാഹചര്യത്തിൽ നടപടി സ്വീകരിക്കണമെന്ന് ആവശ്യപ്പെട്ട് നാട്ടുകാർ തദ്ദേശസ്ഥാപനങ്ങളെ സമീപിച്ചിരുന്നെങ്കിലും നടപടി ഉണ്ടായിട്ടില്ല.
