ഒറ്റപ്പാലം: വീട്ടുമുറ്റത്ത് സൈക്കിൾ ചവിട്ടിക്കൊണ്ടിരിക്കുമ്പോൾ ആൾമറയില്ലാത്ത കിണറ്റിൽ വീണ് നാല് വ്യസുകാരൻ മരിച്ചു.ചുനങ്ങാട് കിഴക്കേതിൽ തൊടി വീട്ടിൽ ജിഷ്ണു (ഉണ്ണിക്കുട്ടൻ)വിന്‍റെ മകൻ അദ്വിലാണ് മരിച്ചത്.
കുട്ടി കിണറ്റിൽ വീണതറിഞ്ഞ് വീട്ടുകാർ നിലവിളിക്കുകയായിരുന്നു.തുടര്‍ന്ന് ഓടിക്കൂടിയ നാട്ടുകാര്‍ കിണറ്റിലിറങ്ങി കുട്ടിയെ മുകളിലേക്ക് കയറ്റിയെങ്കിലും മരണം സംഭവിച്ചിരുന്നു.
ചൊവ്വാഴ്ച പകൽ 11.15ഓടെയാണ് അപകടം. വീടിനോട് ചേര്‍ന്നുള്ള സ്ഥലത്താണ് കിണറുള്ളത്. വീട്ട് മുറ്റത്ത് ചെറിയ സൈക്കിൾ ചവിട്ടിക്കൊണ്ടിരിക്കെ അബദ്ധത്താൽ കിണറ്റിൽ വീഴുകയായിരുന്നു.
