പൊന്നാനി ബ്ലോക്ക് പഞ്ചായത്തിന്റെ വാട്ടർ എ ടി .എം പദ്ധതി പ്രകാരമാണ് ഒരു രൂപക്ക് കുടിവെള്ളം നൽകുന്നത് .ഒരു രൂപ നിക്ഷേപിച്ചാൽ ഒരു ലിറ്ററും അഞ്ച് രൂപ നിക്ഷേപിച്ചാൽ അഞ്ച് ലിറ്ററും കുടിവെള്ളം ലഭിക്കുന്ന വിധമാണ് വാട്ടർ എ.ടി.എം ഒരുക്കിയിട്ടുള്ളത്.
എടപ്പാൾ, വട്ടംകുളം, തവനൂർ, കാലടി ഗ്രാമപഞ്ചായത്തുകളിലായാണ് 4 വട്ടർ എ.ടി.എമ്മുകൾ സ്ഥാപിക്കുന്നത്. തവനൂർ ഗ്രാമപഞ്ചായത്തിൽ മിനി പമ്പ,വട്ടംകുളം പഞ്ചായത്തിൽ എടപ്പാൾ ടൗണിൽ ബ്ലോക്ക് പഞ്ചായത്ത് ഓഫീസിന് സമീപം റോഡിനോട് ചേർന്നും, കാലടി കുടുംമ്പ ആരോഗ്യ കേന്ദ്രത്തിനോട് ചേർന്നും എടപ്പാൾ അംശം ക്കച്ചേരിയിലുമാണ് എ.ടി.എം സ്ഥപിച്ചത്. പ്രവർത്തികൾ എല്ലാം തന്നെ പൂർത്തിയായി. ഈ മാസം 20 ന് ഇവ നാടിന് സമർപ്പിക്കും.
ദേശീയപാതയിൽ മല്ലൂർ ക്ഷേത്രത്തിൻ്റെ മതിലിനോട് ചേർത്ത് നിർമ്മിച്ചിട്ടുള്ള വാട്ടർ എ.ടി.എം ദീർഘദൂര വാഹനയാത്രക്കാർക്കും മിനി പമ്പയിലെത്തുന്ന ശബരിമല തീർത്ഥാടകർക്കും ഏറെ ഗുണകരമാകും.
