കേരള നിയമസഭാ സ്പീക്കറും തൃത്താല എം.എൽ.എ.യുമായ എം.ബി.രാജേഷിന്റെ പ്രത്യേക പദ്ധതിയായ വിഷുവിന് വിഷരഹിത പച്ചക്കറി തൈകളുടെ നടീൽ ഉത്സവം ചാലിശ്ശേരി പഞ്ചായത്ത് പതിനഞ്ചാം വാർഡിലെ മുതുപറമ്പത്ത് മനക്കൽ നാരായണൻ നമ്പൂതിരിയുടെ വീടിനടുത്തുള്ള കവുക്കോട് പൊൻമണി പാടശേഖരത്തിൽ വെച്ച് തൃത്താല ബ്ലോക്ക് പഞ്ചായത്ത് വൈസ് പ്രസിഡണ്ട് പി.ആർ.കുഞ്ഞുണ്ണി,ചാലിശ്ശേരി ഗ്രാമപഞ്ചായത്ത് വൈസ് പ്രസിഡണ്ട് സാഹിറ ഖാദർ എന്നിവർ സംയുക്തമായി തൈകൾ നട്ടുകൊണ്ട് ഉദ്ഘാടനം നിർവ്വഹിച്ചു.
വാർഡ് മെമ്പർ പി.ദിജിമോൾ അദ്ധ്യക്ഷത വഹിച്ച പരിപാടിയിൽ ചാലിശ്ശേരി കൃഷി ഓഫീസർ അജിത് കൃഷ്ണ പദ്ധതി വിശദീകരണം നടത്തി.ബ്ലോക്ക് പഞ്ചായത്ത് മെമ്പർ ധന്യ സുരേന്ദ്രൻ,വികസന സ്ഥിരം സമിതി ചെയർമാൻ ഹുസൈൻ പുളിയഞ്ഞാലിൽ, ക്ഷേമകാര്യ സ്ഥിരംസമിതി ചെയർപേഴ്സൺ നിഷ അജിത്കുമാർ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ആനി വിനു, പഞ്ചായത്ത് മെമ്പർമാരായ പി.വി.രജീഷ് കുമാർ,റംല വീരാൻകുട്ടി,സജിത ഉണ്ണികൃഷ്ണൻ, ഫാത്തിമത് സിൽജ,കാർഷിക വികസന സമിതി അംഗം ടി.എം.കുഞ്ഞുകുട്ടൻ,മുതുപറപറമ്പത്ത് മനക്കൽ നാരായണൻ നമ്പൂതിരി,അസിസ്റ്റൻ്റ് കൃഷി ഓഫീസർ സി.പി.മനോജ്‌, പഞ്ചായത്ത് കോർഡിനേറ്റർ പ്രദീപ് ചെറുവശ്ശേരി എന്നിവർ പരിപാടിയിൽ ആശംസകൾ അർപ്പിച്ചു കൊണ്ട് സംസാരിച്ചു .
വിവിധയിനം പച്ചക്കറി തൈകളായ മുളക് ,തക്കാളി ,വഴുതന,വെണ്ട,പയർ എന്നിവ കർഷകർക്ക് നാളെ(15-02-2022)മുതൽ വിതരണം നടത്തുമെന്ന് കൃഷി ഓഫീസർ അറിയിച്ചു.
