തിരൂർ: വീട്ടിലേക്ക് ഓർഡർ ചെയ്ത ബിരിയാണിയില്‍ നിന്ന് യുവതിക്ക് ലഭിച്ചത് വേവിക്കാത്ത കോഴിത്തല. തിരൂര്‍ ഏഴൂര്‍ സ്വദേശിനിക്കാണ് ഓർഡർ ചെയ്ത് വരുത്തിയ ബിരിയാണിയിൽ നിന്ന് കോഴിത്തല കിട്ടിയത്.വീട്ടിലേക്ക് ഓര്‍ഡര്‍ ചെയത് വരുത്തിയ ബിരിയാണിയില്‍ നിന്നാണ് കോഴിത്തല കണ്ടെടുത്തത്.
മുത്തൂരിലെ ഒരു കടയില്‍ നിന്നാണ് യുവതി വീട്ടിലേക്ക് നാല് ബിരിയാണി ഓര്‍ഡര്‍ ചെയ്തത്. പാഴ്സലായി വന്ന ബിരിയാണി പായ്ക്കറ്റിൽ ഒന്ന് തുറന്നുനോക്കിയപ്പോഴാണ് അതിനുള്ളില്‍ നിന്നും വേവിക്കാത്ത കോഴിത്തല ലഭിച്ചത്.
വൃത്തിയാക്കുകയോ വേവിക്കുകയോ ചെയ്യാത്ത നിലയിലായിരുന്നു കോഴിത്തല ബിരിയാണിയിൽ കിടന്നിരുന്നതെന്ന് യുവതി പറയുന്നു.
തുടര്‍ന്ന് പ്രതിഭ ഭക്ഷ്യ സുരക്ഷാ വകുപ്പില്‍ പരാതി നല്‍കുകയും സംഭവത്തിൽ ഭക്ഷ്യ വകുപ്പ് അന്വേഷണം നടത്തി ഹോട്ടൽ അടപ്പിക്കുകയായിരുന്നു.
