അൽ ഐൻ: തൃത്താല മാട്ടായ സ്വദേശി കൂരിയാട്ട സൈദലവി മകൻ സഫീർ (33) അൽ ഐനിൽ നിര്യാതനായി.
താഴ്ന്ന രക്തസമ്മര്‍ദ്ദത്തെ തുടർന്ന് ഒരാഴ്ചയായി അൽ ഐൻ ജീമി ഗവൺമെൻ്റ് ഹോസ്പിറ്റലിൽ ചികിത്സയിലായിരുന്നു. അബോധാവസ്ഥയിലായതിനെ തുടർന്ന് വെൻ്റിലേറ്ററിലായിരുന്ന സഫീർ വെള്ളിയാഴ്ച വൈകുന്നേരം മരണപ്പെടുകയായിരുന്നു.
അൽ ഐൻ ജീമി ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടി ക്രമങ്ങൾക്ക് ശേഷം ശനിയാഴ്ച രാത്രി 12.30ന് അബുദാബിയിൽ നിന്ന് കോഴിക്കോട്ടേക്കുള്ള എയർ ഇന്ത്യ എക്സ്പ്രസ് വിമാനത്തിൽ നാട്ടിലേക്ക് കൊണ്ട് പോകുമെന്ന് ബന്ധപ്പെട്ടവർ അറിയിച്ചു. ഞായറാഴ്ച രാവിലെ ഒമ്പത് മണിക്ക് മാട്ടായ ജുമാ മസ്ജിദ് ബർസ്ഥാനിൽ മറവ് ചെയ്യും.
അൽ ഐൻ കെഎംസിസി , സുന്നീ സെൻ്റർ പ്രവർത്തകർ മൃതദേഹം നാട്ടിലെത്തിക്കാനുള്ള നടപടി ക്രമങ്ങൾക്ക് നേതൃത്വം നൽകിവരുന്നു.
കൂരിയറ്റ സൈതലവി - ഹസീന ദമ്പതികളുടെ മകനാണ്. ഭാര്യ: ഷഹന. മക്കൾ: അയാൻ (6), അയ്ദിൻ (4). സഹോദരൻ സജീർ ഷാർജയിലുണ്ട്.
മിസ്റ്റർ ലൈറ്റ് സെക്കീർ ,ഗഫൂർ എന്നിവരുടെ സഹോദരിയുടെ മകനാണ് സഫീർ
