തൃത്താലയിലെ റോഡുകളുടെ തകർച്ച ; യുഡിഎഫ് തൃത്താല പിഡബ്ല്യൂഡി ഓഫീസ് ഉപരോധിക്കുന്നു

തൃത്താല നിയോജക മണ്ഡലത്തിലെ റോഡുകളുടെ തകർച്ചക്കെതിരെയും റോഡുകൾ ഗതാഗതയോഗ്യമാക്കണമെന്ന് ആവശ്യപ്പെട്ടുകൊണ്ടും തൃത്താല പിഡബ്ല്യൂഡി ഓഫീസിന് മുന്നിൽ യൂ ഡി എഫ് ഉപരോധസമരം നടത്തും

ജൂലൈ 29 ചൊവ്വാഴ്ച കാലത്ത് 10 മണിക്ക് നടക്കുന്ന ഉപരോധ സമരം എ ഐ സി സി അംഗവും മുൻ എം എൽ എയുമായ വി ടി ബൽറാം ഉദ്ഘാടനം ചെയ്യും. കെ പി സി സി നിർവ്വാഹക സമിതി അംഗം സി വി ബാലചന്ദ്രൻ മുഖ്യ പ്രഭാഷണം നടത്തും.

മുസ്ല‌ീം ലീഗ് ജില്ലാ ട്രഷറർ പി ഇ എ സലാം മാസ്റ്റർ, യൂ ഡി എഫ് ചെയർമാൻ ടി.കെ സുനിൽ കുമാർ, യൂ ഡി എഫ് കൺവീനർ എസ്.എം.കെ. തങ്ങൾ തുടങ്ങിയവർ പങ്കെടുക്കും