കൂറ്റനാട് : തീവ്ര വോട്ടർപട്ടിക പരിഷ്കരണം കേരളത്തിൽ നടപ്പാക്കാൻ ശ്രമിക്കുന്നത് സി.പി.എമ്മും, ബി.ജെ.പി.യും തമ്മിൽ തിരഞ്ഞെടുപ്പിന് മുന്നോടിയായി ഉണ്ടാക്കിയിട്ടുള്ള രഹസ്യ ധാരണയുടെ ഭാഗമാണെന്ന് കെ.പി.സി.സി.വൈസ് പ്രസിഡന്റ് വി.ടി.ബൽറാം ആരോപിച്ചു.
കൂറ്റനാട് രാജീവ് ഭവനിൽ നടന്ന യു.ഡി.എഫ്.കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു മുൻ എം.എൽ.എ.കൂടിയായ വി.ടി.ബൽറാം.രാഷ്ട്രീയ നാടകം കളിച്ച് ജനങ്ങളെ വിഡ്ഢികളാക്കികൊണ്ടിരിക്കുകയാണ് പിണറായി വിജയനും നരേന്ദ്രമോഡിയും എന്ന് കൺവെൻഷനിൽ മുഖ്യ പ്രഭാഷണം നടത്തിയ കെ.പി.സി.സി.നിർവാഹക സമിതി അംഗം സി.വി.ബാലചന്ദ്രനും ആരോപിച്ചു. കൺവെൻഷനിൽ യു.ഡി.എഫ് നിയോജകമണ്ഡലം ചെയർമാൻ ടി.കെ.സുനിൽകുമാർ അധ്യക്ഷനായി.
മുസ്ലിം ലീഗ് ജില്ലാ ട്രഷറർ പി,ഇ,എ.സലാം, യു.ഡി.എഫ്.നിയോജക മണ്ഡലം കൺവീനർ എസ്.എം.കെ.തങ്ങൾ,ട്രഷറർ ഡി.സി.സി.വൈസ് പ്രസിഡന്റ്സി.എച്ച്.ഷൗക്കത്തലി,ഡി.സി.സി.ജനറൽ സെക്രട്ടറി മാരായ കെ.ബാബുനാസർ, പി.വി.മുഹമ്മദാലി,പി.മാധവദാസ്,ബ്ലോക്ക് കോൺഗ്രസ് കമ്മിറ്റി പ്രസിഡന്റുമാരായ റഷീദ് കോഴിക്കര,കെ.വിനോദ്,മുസ്ലിം ലീഗ് നിയോജക മണ്ഡലം ജനറൽ സെക്രട്ടറി ടി.അസീസ്,ട്രഷറർ ടി.കെ.ചേക്കുട്ടി എന്നിവർ സംസാരിച്ചു.
