ജില്ലയിൽ തദ്ദേശ തിരഞ്ഞെടുപ്പ് നാളെ നടക്കും. ഇന്ന് സ്ഥാനാർഥികൾക്ക് നിശബ്ദ പ്രചാരണത്തിന്റെ തിരക്ക്.
പാലക്കാട് ജില്ലയില് 6724 സ്ഥാനാര്ഥികള്, 24 ലക്ഷത്തിലധികം വോട്ടര്മാര്, 3054 പോളിങ് ബൂത്തുകള്.
തദ്ദേശ തിരഞ്ഞെടുപ്പ് നാളെ പോളിങ് രാവിലെ ഏഴിന് ആരംഭിച്ച് വൈകീട്ട് ആറ് വരെ തുടരും. ജില്ല, ബ്ലോക്ക്, ഗ്രാമ പഞ്ചായത്ത് മുന്സിപാലിറ്റികളിലായി 6724 സ്ഥാനാര്ഥികളാണ് ജില്ലയില് മാറ്റുരയ്ക്കുന്നത്. അന്തിമ വോട്ടര് പട്ടിക പ്രകാരം 24,33,390 വോട്ടര്മാരാണ് ജില്ലയിലുളളത്. ഇതിൽ 12,81,805 സ്ത്രീകളും, 11,51,562 പുരുഷൻമാരും, 23 ട്രാൻസ് ജെൻഡേഴ്സും 87 പ്രവാസികളും ഉൾപ്പെടുന്നു. 3054 പോളിംഗ് ബൂത്തുകളുണ്ട്.
ഡിസംബര് 13 ന് രാവിലെ എട്ട് മുതല് 20 കേന്ദ്രങ്ങളില് വോട്ടെണ്ണല് നടക്കും.
ഇന്നും വോട്ടെടുപ്പ് ദിവസമായ നാളെ പോളിങ് അവസാനിക്കുന്നതുവരെയുള്ള 48 മണിക്കൂര് ഡ്രൈ ഡേ പ്രഖ്യാപിച്ചിട്ടുണ്ട്. പിന്നീട് വോട്ടെണ്ണല് ദിവസമായ ഡിസംബര് 13നും ഡ്രൈ ഡേ ആയിരിക്കും.
