പാലക്കാട് : തൃത്താലയിലെ തോൽവി മണ്ഡലത്തിലെ പാർട്ടി പ്രവർത്തകരെ വിശ്വാസത്തിൽ എടുക്കാത്തതിന്റെ ഭാഗമാണെന്ന് സിപിഎം പാലക്കാട് ഏരിയ കമ്മിറ്റി യോഗത്തിൽ വിമർശനം
യോഗത്തിൽ പിണറായി വിജയനും എം വി ഗോവിന്ദനും രൂക്ഷ വിമർശനം. കടക്ക് പുറത്ത്, ഡാഷ് മോനെ തുടങ്ങിയ പിണറായിയുടെ പരാമർശങ്ങൾ തിരിച്ചടി ഉണ്ടാക്കിയെന്ന് ഏരിയ കമ്മിറ്റി യോഗത്തിൽ വിമർശനം.സംസ്ഥാന സെക്രട്ടറി പറയുന്ന കാര്യങ്ങളിൽ ഒന്നും വ്യക്തതയില്ലെന്നും ഏരിയ കമ്മിറ്റി അംഗങ്ങളുടെ വിമർശനം. വെള്ളാപ്പള്ളി നടേശന്റെ പ്രസ്താവനകളെ തള്ളിപ്പറയാൻ പിണറായി വിജയൻ തയ്യാറായില്ല.
പാലക്കാട് മണ്ഡലത്തിൽ വോട്ട് കുറഞ്ഞത് ഇതെല്ലാം കൊണ്ടെന്ന് ഏരിയ കമ്മിറ്റി യോഗത്തിൽ അംഗങ്ങൾ.പ്രശ്നങ്ങൾ കണ്ടറിഞ്ഞ് പരിഹരിച്ചില്ലെങ്കിൽ പാർട്ടിക്ക് നിലനിൽപ്പില്ലെന്നും സിപിഎം ഏരിയ കമ്മിറ്റി അംഗങ്ങൾ അഭിപ്രായപ്പെട്ടു.
