കുമ്പിടി : സർക്കാർ ആയുഷ് മിഷൻ്റെയും ആനക്കര ഗ്രാമ പഞ്ചായത്തിൻ്റെയും സംയുക്താഭിമുഖ്യത്തിൽ ആനക്കര ഗവ. ആയുർവേദ ഡിസ്പെൻസറി യുടെ നേതൃത്വത്തിൽ " വാർദ്ധക്യം ആനന്ദകരം ആരോഗ്യകരം ആയുഷിലൂടെ" എന്ന ഉദ്ദേശത്തോടെ കുമ്പിടി ഇസ്സത്തുൽ ഇസ്ലാം മദ്റസ ഹാളിൽ വെച്ച് 60 വയസ്സിനു മുകളിൽ പ്രായമുള്ളവർക്കായി NCD സ്ക്രീനിംഗ്, വൈദ്യപരിശോധനയും , മരുന്ന് വിതരണവും, യോഗ ബോധവൽക്കരണവും ഉൾപെടെയുള്ള ആയുർവേദ മെഡിക്കൽ ക്യാമ്പ് സംഘടിപ്പിച്ചു.
ചടങ്ങ് ഗ്രാമ പഞ്ചായത്ത് പ്രസിഡൻ്റ് കെ മുഹമ്മദ് ഉദ്ഘാടനം നിർവ്വഹിച്ചു, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി.കെ ബാലചന്ദ്രൻ അദ്ധ്യക്ഷത വഹിച്ചു,
മെമ്പർമാരായ കെ.പി മുഹമ്മദ്, കെ ദീപ, വി.പി ബീന, ടി.സി പ്രജീഷ, ആയുവേദ മെഡിക്കൽ ഓഫീസർ ഡോ:ഷംനാദ്ഖാൻ , യോഗ ഇൻസ്ട്രക്റ്റർ ഡോ: നിഷ ടി.വി , MPW കെ കെ ഗീത , ഫാർമസിസ്റ്റ് പി അലി ഷഫീഖ് തുടങ്ങിയവർ സംസാരിച്ചു
