തൃശ്ശൂര്‍: മറ്റത്തൂര്‍ പഞ്ചായത്തിലെ കോടാലി ഗവ. എല്‍പി സ്‌കൂളിലെ കെട്ടിടത്തിന്റെ സീലിങ് തകര്‍ന്നുവീണു. ബുധനാഴ്ച്ച പുലര്‍ച്ചെ ഒന്നരയോടെ ആയിരുന്നു സംഭവം.മഴകാരണം തൃശൂർ കലക്ടര്‍ അവധി പ്രഖ്യാപിച്ചതിനാൽ ദുരന്തം ഒഴിവായി
സ്‌കൂളിലെ ഓഡിറ്റോറിയത്തിന്റെ മേല്‍ക്കൂരയ്ക്ക് താഴെയുള്ള സീലിങ്ങാണ് പൂര്‍ണമായും അടര്‍ന്ന് വീണത്. സ്‌കൂള്‍ പ്രവര്‍ത്തിക്കുന്ന സമയം അല്ലാത്തതിനാലാണ് അപകടം ഒഴിവായത്.
ആസ്‌ബെറ്റോസ് ഷീറ്റുകൊണ്ട് നിര്‍മിച്ച മേല്‍ക്കൂരയ്ക്ക് താഴെയുള്ള സീലിങ് ജിപ്‌സം ബോര്‍ഡ് കൊണ്ടാണ് നിര്‍മിച്ചിരുന്നത്. രണ്ട് വര്‍ഷം മുമ്പ് കോസ്റ്റ് ഫോര്‍ഡാണ് നിര്‍മ്മാണം നടത്തിയത്. മുന്‍മന്ത്രി സി. രവീന്ദ്രനാഥിന്റെ ആസ്തി വികസന ഫണ്ട് ഉപയോഗിച്ചായിരുന്നു നിര്‍മ്മാണം. തൃശൂര്‍ ജില്ലാ പഞ്ചായത്തിന്റെ മേല്‍നോട്ടത്തിലായിരുന്നു നിര്‍മാണം നടന്നത്.
