തൃത്താല ടൗൺ ജുമാ മസ്ജിദ് മഹല്ല് കമ്മിറ്റിയുടെ നബിദിന പരിപാടികൾ വിവിധ ചടങ്ങുകളോടെ നാളെ (വെള്ളി) നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.
വെള്ളിയാഴ്ച പുലർച്ചെ നാലിന് മൗലീദ് പാരായണം,7ന് കുട്ടികളുടെ നബിദിന റാലി, 9 മണി മുതൽ 11.30 വരെ ഭക്ഷണ വിതരണം, വൈകുന്നേരം 4.30 മുതൽ നബിദിന സ്റ്റേജ് പരിപാടികൾ എന്നിവ നടക്കും.
കഴിഞ്ഞ രണ്ടു വർഷമായി നൽകി വരുന്ന AMS അലി ഹാജി സ്മാരക മുഹബ്ബ അവാർഡ് ഈ വർഷം തൃത്താല വേട്ടുപറമ്പിൽ മുഹമ്മദാലിക്ക് സമ്മാനിക്കും. രാത്രി 8 മണിക്ക് നടക്കുന്ന ചടങ്ങിൽ അവാർഡ് സമ്മാനിക്കുമെന്ന് ഭാരവാഹികൾ അറിയിച്ചു.
മഹല്ല് പ്രസിഡണ്ട് വി.വി. മുഹമ്മദ് മാഷ്, സെക്രട്ടറി പി.ടി സക്കീർ ഹുസൈൻ, OSF സെക്രട്ടറി എ.കെ ഷംസുദ്ദീൻ, സ്വാഗത സംഘം വൈസ് ചെയർമാൻ എം.ടി. അക്ബർ എന്നിവർ വാർത്താ സമ്മേളനത്തിൽ പങ്കെടുത്തു.
