മലമ്പുഴ ഡാമിൽ ഒക്ടോബർ 11 മുതൽ 20 വരെ റൂൾ കർവ് പ്രകാരം നിലനിർത്തേണ്ട ജലനിരപ്പ് 115.02m ആണ്. നിലവിൽ ഡാമിലെ ജലനിരപ്പ് 114.92m. വൃഷ്ട്ടി പ്രദേശങ്ങളിൽ മഴ തുടരുന്ന സാഹചര്യത്തിൽ ഡാമിലേക്കുള്ള നീരൊഴുക്ക് വർദ്ധിക്കുന്നതിനാൽ റൂൾ കർവിൽ ജലനിരപ്പ് നിർത്തുന്നതിനായി മലമ്പുഴ ഡാമിൽ നിന്ന് വൈദ്യുതി ഉത്പാദനം ( 12/10/2025) ഞായറാഴ്ച ഉച്ചക്ക് 12.00 ന് ആരംഭിച്ചിരുന്നു.
എന്നാൽ സാങ്കേതിക കാരണങ്ങളാൽ വൈദ്യുതി ഉത്പാദനം ഇന്നലെ( 16/10/2025) വൈകീട്ട് തടസ്സപ്പെട്ടത് പരിഹരിക്കുവാൻ സാധിക്കാത്ത സാഹചര്യത്തിൽ നീരൊഴുക്കിൽ ക്രമാതീതമായ വർധന ഉണ്ടായാൽ നാളെ (18/10/2025) സ്പിൽവേ ഷട്ടറുകൾ തുറന്ന് ജലനിരപ്പ് ക്രമീകരിക്കുന്നതാണെന്നും ആയതിനാൽ കൽപ്പാത്തി പുഴയുടെയും ഭാരതപുഴയുടെയും തീരങ്ങളിൽ താമസിക്കുന്നവർ ജാഗ്രത പാലിക്കണമെന്നും ഇറിഗേഷൻ ഡിവിഷൻ മലമ്പുഴ എക്സിക്യൂട്ടീവ് എഞ്ചിനീയർ അറിയിച്ചു
