കാഠ്മണ്ഡു:നേപ്പാളിലെ പ്രളയത്തില് കാണാതായവരില് പൊന്നാനി സ്വദേശികൾക്കായുള്ള തിരച്ചിൽ തുടരുന്നു.
ഓസ്ട്രേലിയൻ പൗരത്വമുള്ള പൊന്നാനി ഈശ്വര് നിവാസില് ശ്രീധരന് അയ്യര്,ലക്ഷ്മി,ഋഷബ്,രുദ്ര എന്നിവരെയാണ് കാണാതായത്. പൊന്നാനി തൃക്കാവ് ക്ഷേത്രത്തോട് ചേര്ന്നാണ് ഇവരുടെ വീട്. പല കോണുകളില് നിന്ന് ഇവരെ ബന്ധപ്പെടാന് ശ്രമിക്കുന്നതായി പൊന്നാനിയിലെ ബന്ധുക്കള് പറഞ്ഞു. അധികാരികള് ഇടപെട്ട് എത്രയും വേഗം ഇവരെ കണ്ടെത്തണമെന്ന് ബന്ധുക്കള് ആവശ്യപ്പെട്ടു.
പ്രളയമുണ്ടായ റസുവ എന്ന സ്ഥലത്തുവച്ചാണ് നാലംഗ കുടുംബം അവസാനമായി ബന്ധപ്പെട്ടത്. ഇവരെ കണ്ടെത്താന് പൊന്നാനിയിലെ കുടുംബം ഇന്ന് നേപ്പാളിലേക്ക് തിരിക്കും. കുടുംബം സുരക്ഷിതമായ സ്ഥലത്തുണ്ടെന്നാണ് പ്രതീക്ഷയെന്ന് പൊന്നാനി എംഎല്എ നൗഷാദ് അലി പറഞ്ഞു.
