വടക്കഞ്ചേരി (പാലക്കാട്): വടക്കഞ്ചേരി തങ്കം ജംഗ്ഷനിൽ ഇന്ന് (20/11/2026) രാവിലെ 10 മണിയോടെയുണ്ടായ ബസ് അപകടത്തിൽ 28 യാത്രക്കാർക്ക് പരിക്കേറ്റു. പരിക്കേറ്റവരിൽ ഒരാളുടെ നില അതീവ ഗുരുതരമാണ്.
പുതുക്കോട് - കണ്ണമ്പ്ര - വടക്കഞ്ചേരി റൂട്ടിൽ ലോക്കൽ സർവീസ് നടത്തുന്ന 'എസ്.കെ' (SK) എന്ന സ്വകാര്യ ബസ്സാണ് അപകടത്തിൽപ്പെട്ടത്.
സംഭവത്തെത്തുടർന്ന് ഓടിക്കൂടിയ നാട്ടുകാരും സന്നദ്ധപ്രവർത്തകരും പോലീസും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ ഉടൻ തന്നെ സമീപത്തെ വിവിധ ആശുപത്രികളിലേക്ക് മാറ്റി.
അപകടകാരണം എന്താണെന്ന് വ്യക്തമായിട്ടില്ല. വടക്കഞ്ചേരി പോലീസ് സ്ഥലത്തെത്തി മേൽനടപടികൾ സ്വീകരിച്ചു.
