കുറ്റിപ്പുറം ഭാരതപ്പുഴയിൽ കുളിക്കാനിറങ്ങിയ നാല് കുട്ടികൾ ഒഴുക്കിൽപ്പെട്ടു;ഒരാൾ മരണപ്പെട്ടു

കുറ്റിപ്പുറം ഭാരതപ്പുഴയിൽ കുളിക്കാനിറങ്ങിയ നാല് കുട്ടികൾ ഒഴുക്കിൽപ്പെട്ടു;ഒരാൾ മരണപ്പെട്ടു. കുറ്റിപ്പുറം സ്വദേശി പള്ളിയാലിൽ വാപ്പുട്ടി മകൻ നിയാസ് (16)ആണ് മരണപ്പെട്ടത്.നാട്ടുകാർ ചേർന്ന് നടത്തിയ രക്ഷാപ്രവർത്തനത്തിൽ മൂന്ന് പേരെ രക്ഷപ്പെടുത്തി

കുറ്റിപ്പുറം പാലത്തിന് സമീപം കുളിക്കാനിറങ്ങിയ നിയാസും മൂന്നു കൂട്ടുകാരും ഒഴുക്കിൽ പെടുകയായിരുന്നു. ഏറെ നേരത്തെ തിരച്ചിലിനൊടുവിലാണ് നിയാസിനെ കണ്ടെത്തിയത്. ഉടൻ തന്നെ കുറ്റിപ്പുറം ഗവ: ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

മൃതദേഹം തിരുർ ജില്ലാ ആശുപത്രിയിലേക്ക് മാറ്റി.ശനിയാഴ്ച പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകും.ഉച്ചയോടെ കുറ്റിപ്പുറം കാങ്കപ്പുഴ ജുമാ മസ്ജിദ് ഖബർസ്ഥാനിൽ ഖബറടക്കം നടക്കും