ആനക്കര ഗ്രാമപഞ്ചായത്ത് കുടുംബാരോഗ്യ കേന്ദ്രവുമായി ബന്ധപ്പെട്ടു പ്രവർത്തിച്ചു കൊണ്ടിരിക്കുന്ന പാലിയേറ്റീവ് പരിചരണത്തിലുള്ള നിരാലംബരായ രോഗികളുടെ കുട്ടികൾക്ക് പഠനോപകരണങ്ങൾ ഗ്രാമപഞ്ചായത്ത് പ്രസിഡണ്ട് കെ മുഹമ്മദ് മെഡിക്കൽ ഓഫീസർക്ക് കൈമാറികൊണ്ട് ഉൽഘാടനം ചെയ്തു.
നേരത്തെ ഗ്രാമപഞ്ചായത്ത് മെമ്പർ കെ.പി മുഹമ്മദ് മുഖേന സ്വകാര്യ വ്യക്തികൾ മുഖാന്തിരം നൽകിയ ഫണ്ട് ഉപയോഗിച്ച് ആണ് പഠനോപകരണങ്ങൾ സ്വരൂപിച്ചത്.
ചടങ്ങിൽ ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി സി രാജു, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.കെ - ബാലചന്ദ്രൻ , മെഡിക്കൽ ഓഫീസർ റജീന എം കെ, പാലിയേറ്റീവ് സിസ്റ്റർ മല്ലിക, പി.എം മുജീബ് എന്നിവർ പങ്കെടുത്തു.
