ദുബൈ: യുഎഇയില്‍ മൂന്ന് മാസത്തെ സന്ദര്‍ശന വിസകള്‍ നല്‍കുന്നത് നിര്‍ത്തിവെച്ചതായി അധികൃതര്‍ വെളിപ്പെടുത്തി. മൂന്ന് മാസത്തെ വിസകള്‍ ഇനി ലഭ്യമല്ലെന്ന് ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് & പോര്‍ട്ട് സെക്യൂരിറ്റി (ഐസിപി) കോള്‍ സെന്റര്‍ എക്‌സിക്യൂട്ടീവ് അറിയിച്ചു.
മൂന്നു മാസത്തെ എന്‍ട്രി പെര്‍മിറ്റ് കുറച്ച് മാസങ്ങള്‍ക്ക് മുമ്പ് ലഭ്യമായിരുന്നു, എന്നാല്‍ ഇനി ലഭിക്കില്ല. യുഎഇയിലെ സന്ദര്‍ശകര്‍ക്ക് 30-ഓ 60-ഓ ദിവസത്തെ വിസയില്‍ വരാം ട്രാവല്‍ ഏജന്‍സികള്‍ക്ക് അവ നല്‍കാമെന്ന് എക്‌സിക്യൂട്ടീവ് കൂട്ടിച്ചേര്‍ത്തു. ട്രാവല്‍ ഏജന്റുമാരും ഇക്കാര്യം സ്ഥിരീകരിച്ചു. പെര്‍മിറ്റുകള്‍ നല്‍കാന്‍ ഉപയോഗിക്കുന്ന പോര്‍ട്ടലില്‍ മൂന്ന് മാസത്തെ സന്ദര്‍ശന വിസ അഭ്യര്‍ത്ഥിക്കാനുള്ള ഓപ്ഷന്‍ ലഭ്യമല്ലെന്ന് അവര്‍ പറഞ്ഞു.
കോവിഡ് -19 പാന്‍ഡെമിക് സമയത്ത് മൂന്ന് മാസത്തെ സന്ദര്‍ശന വിസ നിര്‍ത്തലാക്കി, പകരം 60 ദിവസത്തെ വിസ അവതരിപ്പിച്ചിരുന്നു. എന്നാല്‍ മൂന്ന് മാസത്തെ പദ്ധതി മെയ് മാസത്തില്‍ വിശ്രമ വിസയായി വീണ്ടും ലഭ്യമാക്കി.
അതേസമയം ദുബായില്‍, താമസക്കാരുടെ ഫസ്റ്റ്-ഡിഗ്രി ബന്ധുക്കളായ സന്ദര്‍ശകര്‍ക്ക് 90 ദിവസത്തെ വിസ നല്‍കുന്നുണ്ട്. താമസക്കാര്‍ക്ക് അവരുടെ മാതാപിതാക്കളെയോ ബന്ധുക്കളെയോ മൂന്ന് മാസത്തെ പദ്ധതിയില്‍ കൊണ്ടുവരാം.
