ചാലിശ്ശേരി: ശനിയാഴ്ച വൈകുന്നേരം മുതൽ കാണാതായ ചാലിശ്ശേരി, കൊരട്ടിക്കര സ്വദേശികളായ രണ്ടു വിദ്യാർത്ഥികളെ കണ്ടെത്തി.
ചാലിശ്ശേരി ഹംസയുടെ മകൻ തെക്കെക്കാട്ടിൽ ഏഴാം ക്ലാസിൽ പഠിക്കുന്ന 12 വയസ്സുകാരനായ മുഹമ്മദ് ഹനാൻ, കൊരട്ടിക്കര തൊണ്ടിയിൽ വീട്ടിൽ നൗഷാദിന്റെ മകൻ 14 വയസ്സുള്ള നബിജാസ് എന്നിവരെയാണ് കാണാതായിരുന്നത്.
ഇന്ന് വൈകീട്ടാണ് കുട്ടികളെ കുറിച്ചുള്ള വിവരങ്ങൾ ലഭിച്ചത്. കുട്ടികളെ കൊണ്ടുവരുന്നതിനായി ആലത്തൂർ പോലീസ് സ്റ്റേഷനിലേക്ക് രക്ഷിതാക്കൾ പുറപ്പെട്ടു.
