കണ്ണൂർ: കണ്ണൂർ കരിവെള്ളൂരിൽ വിവാഹദിനത്തിൽ അണിഞ്ഞ നവവധുവിന്റെ 30 പവൻ സ്വർണാഭരങ്ങൾ മോഷണം പോയി. പലിയേരി സ്വദേശി എ കെ അർജ്ജുന്റെ ഭാര്യ കൊല്ലം സ്വദേശിനി ആർച്ചയുടെ സ്വർണാഭരണങ്ങളാണ് മോഷണം പോയത്.
മെയ് ഒന്നിനായിരുന്നു ഇരുവരുടെയും വിവാഹം കഴിഞ്ഞത്. വിവാഹം കഴിഞ്ഞ ശേഷം മുകളിലത്തെ നിലയിലെ കിടപ്പുമുറിയിലാണ് സ്വർണം സൂക്ഷിച്ചിരുന്നത്. എന്നാൽ ഇന്നലെ രാത്രി അലമാര പരിശോധിച്ചപ്പോൾ സ്വർണം കണ്ടില്ല.
