നിയമസഭാ തിരഞ്ഞെടുപ്പ് പ്രഖ്യാപനത്തിന് പിന്നാലെ തൃത്താല മണ്ഡലം തിരിച്ചുപിടിക്കാൻ ആവേശകരമായ പ്രചാരണ പരിപാടികളുമായി യു.ഡി.എഫ് സജീവമാകുന്നു. മണ്ഡലത്തിലെ യു.ഡി.എഫ് സ്ഥാനാർത്ഥിയായി പരിഗണിക്കപ്പെടുന്ന വി.ടി ബൽറാമിനെ വരവേൽക്കുന്നതിനായി ‘തൃത്താലക്ക് ബൽറാമാണ് ബെസ്റ്റ് ’ എന്ന മുദ്രാവാക്യമുയർത്തി നാളെ (മാർച്ച് 17, ചൊവ്വാഴ്ച) കൂറ്റനാട് വലിയ ജനകീയ പ്രകടനം സംഘടിപ്പിക്കും.
രാവിലെ 9:30-ന് കൂറ്റനാട് ന്യൂ ബസാർ പരിസരത്ത് നിന്നും നൂറുകണക്കിന് പ്രവർത്തകരുടെയും നേതാക്കളുടെയും അകമ്പടിയോടെ പ്രകടനം ആരംഭിക്കും. നഗരം ചുറ്റി രാജീവ് ഭവൻ പരിസരത്ത് സമാപിക്കുന്ന റാലി, മണ്ഡലത്തിലെ യു.ഡി.എഫിന്റെ കരുത്ത് വിളിച്ചോതുന്നതാകും.
തിരഞ്ഞെടുപ്പ് ഗോദയിൽ വർധിത വീര്യത്തോടെയുള്ള പോരാട്ടത്തിന് തുടക്കം കുറിക്കാനാണ് യു.ഡി.എഫ് തീരുമാനം
മണ്ഡലം തിരിച്ചുപിടിക്കാനുള്ള വലിയ ആവേശത്തിലാണ് പ്രവർത്തകരെന്നും നാളത്തെ പ്രകടനം വരാനിരിക്കുന്ന വിജയത്തിന്റെ വിളംബരമാകുമെന്നും യു.ഡി.എഫ് ഭാരവാഹികളായ ടി.കെ സുനിൽ കുമാർ, എസ്.എം.കെ തങ്ങൾ എന്നിവർ അറിയിച്ചു.
