മാജിക്ക് രംഗത്തെ സമഗ്ര സംഭാവനകളെ മുൻ നിർത്തിയും, മാനുഷിക മൂല്യങ്ങൾ ഉയർത്തിക്കാട്ടുന്ന ജാലവിദ്യകൾ അവതരിപ്പിക്കുകയും ചെയ്തുകൊണ്ടിരിക്കുന്ന ആനന്ദ് മേഴത്തൂരിന് ഹോണററി ഡോക്ടറേറ്റും അംഗത്വവും നൽകി International Anti-Corruption and Human Rights council IACHRC ആദരിച്ചു.
പ്രശസ്ത തമിഴ് സിനിമാ താരങ്ങളായ കലൈമണി യോഗി ബാബു,എം.എസ് ഭാസ്‌കർ തുടങ്ങി വിവിധ സംസ്ഥാനങ്ങളിൽ നിന്നും കലാ സാംസ്കാരിക മേഖലകളിൽ മികവ് തെളിയിച്ച വിശിഷ്ട വ്യക്തികൾക്ക് IACHRC HONORARY ഡോക്ടറേറ്റ് നൽകുന്ന ചടങ്ങിലാണ് ഏക മലയാളി താരമായി ആനന്ദ് മേഴത്തൂർ തിളങ്ങിയത്.
ചെന്നൈ അരുമ്പാക്കം വിജയ് പാർക്കിൽ നടന്ന ചടങ്ങിൽ, മദ്രാസ് ഹൈക്കോടതി ലോക് അദാലത് ജഡ്ജി ജസ്റ്റിസ് ഡോ.ടി.എൻ വള്ളിനായകം, നാഷണൽ ക്രൈം ഇൻവെസ്റ്റിഗേഷൻ ബ്യൂറോ ADG ഡോ.ഹേമ കാർത്തിക് തുടങ്ങിയവരുടെ സാന്നിധ്യത്തിലാണ് ആദരവ് നൽകിയത്.
കേരള സംഗീത നാടക അക്കാദമി. യുവജനക്ഷേമ ബോർഡ്, എക്സൈസ് ഡിപ്പാർട്ട്‌മെന്റ്, റോട്ടറി ഇന്റർനാഷണൽ തുടങ്ങി ഒട്ടനവധി സംഘടനകളുടെ അവാർഡുകളും അഭിനന്ദനങ്ങളും ഏറ്റു വാങ്ങിയ ആനന്ദ് മേഴത്തൂർ, കണ്ണുകൾ മൂടിക്കെട്ടി ഒരു മിനിറ്റിൽ ഏറ്റവും കൂടുതൽ ജാലവിദ്യകൾ അവതരിപ്പിച്ചതിന് ദേശീയ അന്തർദേശീയ അവാർഡുകളും, മുൻ രാഷ്‌ട്രപതി എ.പി.ജെ അബ്ദുൾകലാമിന്റെ പേരിലുള്ള കലാംസ്‌ വേൾഡ് റെക്കോർഡ് അടക്കമുള്ള പുരസ്‌കാരങ്ങളും നേടിയിട്ടുണ്ട്.
swale
