ചങ്ങരംകുളം ചിയ്യാനൂരിൽ അനധികൃതമായി പ്രവർത്തിച്ച് വന്ന ഗ്യാസ് സിലിണ്ടർ ഫില്ലിങ് പിടികൂടി. നാട്ടുകാർ വിവരം നൽകിയതിനെ തുടർന്ന് ചങ്ങരംകുളം സിഐ ബഷീർ ചിറക്കൽ, എസ്ഐ ഖാലിദ് എന്നിവരുടെ നേതൃത്വത്തിൽ പോലീസെത്തി ജീവനക്കാരായ രണ്ട് ഇതരസംസ്ഥാന തൊഴിലാളികളെ കസ്റ്റഡിയിൽ എടുത്തു. ബംഗാൾ സ്വദേശികളായ സബോ സച്ചിൻ( 31), ഹർദൻ ബെഹ്റ(26) എന്നിവരാണ് കസ്റ്റഡിയിൽ ആയത്.
ഏതാനും ദിവസങ്ങളായി ചങ്ങരംകുളത്തെ ഭാരത് ഗ്യാസ് സിലിണ്ടർ കൊണ്ട് പോവുന്ന വാഹനം ഗ്യാസ് സിലിണ്ടറുമായി ആൾതാമസമില്ലാത്ത പ്രദേശത്തേക്ക് പോകുന്നത് ശ്രദ്ധയിൽ പെട്ടതോടെ നാട്ടുകാർ നൽകിയ വിവരത്തെ തുടർന്ന് വാർഡ് മെമ്പർ മജീദും പ്രദേശത്തെ സിവിൽ പോലീസ് ഓഫീസർ ആയ മധുസൂദനനും ചേർന്ന് നടത്തിയ പരിശോധനയിലാണ് സംഭവം കണ്ടെത്തിയത്.
പ്രദേശത്തെ ഗ്യാസ് ഏജന്റാണ് നടത്തിപ്പുകാരനെന്നാണ് പിടിയിലായ ജീവനക്കാർ നൽകിയ വിവരം.അപകടകരമായ രീതിയിൽ ഒരു തരത്തിലുള്ള സുരക്ഷാ സംവിധാനങ്ങളും ഇല്ലാതെ ആണ് സംഭവം നടന്ന് വന്നിരുന്നത്. പോലീസ് അന്വേഷണം ആരംഭിച്ചിട്ടുണ്ട്.
