വളാഞ്ചേരി : വടക്കൻ കേരളത്തിലുടനീളം ഭവനഭേദനം നടത്തുന്ന കുപ്രസിദ്ധ അന്തർ സംസ്ഥാന മോഷ്ടാവ് മലപ്പുറം മഞ്ചേരി സ്വദേശി അരീക്കാട് വീട്ടിൽ അനിൽകുമാർ എന്ന കാർലോസ്(60) വളാഞ്ചേരി പോലീസിന്റെ പിടിയിലായി.
ഓണ ദിവസങ്ങളിൽ പൂട്ടിയിട്ട് പോകുന്ന വീടുകൾ തിരഞ്ഞുപിടിച്ച് മോഷണം നടത്തുന്ന പ്രകൃതക്കാരാണ് ഈ മോഷ്ടാവ്.
ഇക്കഴിഞ്ഞ ശനിയാഴ്ച രാത്രി വളാഞ്ചേരി കോ ഓപറേറ്റീവ് സൊസൈറ്റിക്ക് സമീപമുള്ള ബാലമുരളി നിവാസിൽ അഭിനന്ദിൻ്റെ വീട് കുത്തിത്തുറന്ന് 80000 രൂപ മോഷ്ടിച്ചിരുന്നു.തുടർന്നുള്ള അന്വേഷണത്തിലാണ് മോഷ്ടാവ് വളാഞ്ചേരി പോലീസിൻ്റെ പിടിയിലായത്
