ആനക്കര : ചൂട് കൂടുന്നതിന് പിന്നാലെ പാമ്പുകള് മാളം വിട്ട് ജനവാസ മേഖലകളിലേക്ക്. നാട്ടിന്പുറങ്ങളിലാണ് പാമ്പ് ശല്യം ചൂട് ഏറിയതിന് പിന്നാലെ വര്ദ്ധിച്ചിരിക്കുന്നത്.
ഇന്ന് ആനക്കര കൂടല്ലൂരിൽ വീട്ടിലെ അടുക്കളയിൽ നിന്നും പാമ്പിനെ കണ്ടെത്തി.വെള്ളം തേടിയാണ് ഇവ അടുക്കള ഭാഗം പോലെ നനവുള്ള പ്രദേശത്തേക്ക് എത്തുന്നത്.
പാമ്പ് ശല്യം ഒഴിവാക്കാൻ വീടിന്റെ പരിസരം വൃത്തിയാക്കി ഇടുന്നതാണ് ഏറ്റവും പ്രധാനം. ചൂട് കൂടുതലായതിനാല് ചപ്പ് ചവറുകള് കൂടിക്കിടക്കുന്ന സ്ഥലത്താണ് ഇവ തണുപ്പ് തേടി എത്തുന്നത്. ഇക്കാരണത്താല് ഒരു കാരണവശാലും ചപ്പുചവറുകള് വീട്ടിന് സമീപം കൂട്ടിയിടാന് പാടില്ല.തണുപ്പ് കിട്ടുന്ന ഒന്നും വീടിന് സമീപത്ത് കൂട്ടി വയ്ക്കരുത്.
കുറ്റിക്കാടുകള്, പുല്ലുകള് വളര്ന്ന് നില്ക്കുന്ന സ്ഥലം എന്നിവിടങ്ങളില് ഒരിക്കലും വണ്ടി പാര്ക്ക് ചെയ്യരുത്. ഇരു ചക്രവാഹനങ്ങള് പ്രത്യേകിച്ച് ഹെല്മറ്റും, ബൈക്കും, ജാക്കറ്റുമെല്ലാം നന്നായി പരിശോധിച്ച ശേഷം മാത്രമേ ഉപയോഗിക്കാവൂ.ഷൂ പോലുള്ളവ എടുത്ത് ധരിക്കുമ്പോള് പ്രത്യേകം ശ്രദ്ധിക്കണം.
മുൻ കരുതലുകൾ:
വേനൽ കടുക്കുന്നതോടെ ഉഗ്രവിഷമുള്ള പാമ്പുകൾ പറമ്പിലും വഴിയോരത്തുമെല്ലാം കാണാനുള്ള സാധ്യതകളേറെ.രാത്രി വീടിന് ചുറ്റും പെട്രോളോ, ഡീസലോ, മണ്ണെണ്ണയോ വെള്ളവുമായി കലര്ത്തി സ്പ്രേ ചെയ്യുന്നത് നല്ലതാണെന്നാണ് പാമ്പുകളില് നിന്ന് രക്ഷനേടാന് മുന്നോട്ട് വയ്ക്കുന്ന മാര്ഗ്ഗം.
വാതിലിന് അടുത്തും വരാന്തയിലും വീടില് നിന്ന് മാറിയുള്ള ബാത്ത് റൂമിന് സമീപത്തുമൊക്കെയാണ് ഇവ സ്പ്രേ ചെയ്യേണ്ടത്. തൊണ്ണൂറ് ശതമാനം വെള്ളത്തിലാണ് ഇത് മിക്സ് ചെയ്യേണ്ടത്.
ഭക്ഷണം തേടി വരുന്ന പാമ്പുകള് ഇരയെ കണ്ടെത്തുന്നത് നാവുകൊണ്ടാണ്. ഇത്തരത്തില് ഈ മിശ്രിതത്തില് നാവ് തട്ടിയാല് പാമ്പ് ഇവിടെ നിന്ന് പെട്ടെന്ന് പോകും. ഒരു പരിധി വരെ പാമ്പുകളെ മാറ്റി നിര്ത്താന് ഇത് സഹായകമാവും.
കെ ന്യൂസ്