പട്ടാമ്പി: വാഹനാപകടത്തിൽ യുവാവിന് ദാരുണാന്ത്യം. പട്ടാമ്പി വീരമണി കോളനിയിൽ അർജ്ജുൻ ഗിരി (30) ആണ് മരിച്ചത്. കനറാ ബാങ്കിൽ ജീവനക്കാരനായിരുന്നു.
വെള്ളിയാഴ്ച രാവിലെ ഒൻപതരയോടെയാണ് അപകടം സംഭവിച്ചത്. പട്ടാമ്പി കോടതിക്ക് സമീപത്താണ് അപകടം ഉണ്ടായത്. മുന്നിലെ വാഹനത്തെ മറികടക്കാൻ ശ്രമിക്കുന്നതിനിടെ അർജ്ജുൻ സഞ്ചരിച്ചിരുന്ന ബൈക്ക് നിയന്ത്രണം വിട്ട് മറിഞ്ഞു. അതിനിടെ പിറകിൽ വന്ന ഗുഡ്‌സ് വാഹനത്തിന്റെ ടയർ അർജ്ജുൻ ഗിരിയുടെ ദേഹത്തേക്ക് കയറി ഇറങ്ങുകയായിരുന്നു.
