തൃത്താല : പട്ടിത്തറ ആലൂർ കരണപ്രയിൽ വൻ എംഡിഎംഎ വേട്ട. തൃത്താല പോലീസും പാലക്കാട്ജില്ലാ ലഹരി വിരുദ്ധ സേനയും നടത്തിയ പരിശോധനയിൽ 77.16 ഗ്രാം MDMA യുമായി തൃത്താല ആലൂർ സ്വദേശികളായ രണ്ട് പേർ പിടിയിലായി.
മയക്കുമരുന്ന് വ്യാപനത്തിനെതിരെ നടത്തുന്ന ഓപ്പറേഷൻ " ഡി ഹണ്ട് " ൻ്റെ ഭാഗമായി പാലക്കാട് ജില്ലാ പോലീസ് മേധാവി അജിത്ത്കുമാർ IPS ൻ്റെ നിർദ്ദേശപ്രകാരം പാലക്കാട് ജില്ലാ പോലീസ് ലഹരി വിരുദ്ധ സ്ക്വാഡും തൃത്താല പോലീസും നടത്തിയ പരിശോധനയിൽ ആലൂർ കരണപ്രയിൽ വെച്ച് കാറിൽ കടത്തിക്കൊണ്ടു വന്ന 77.16 ഗ്രാം MDMA യുമായി ആലൂർ സ്വദേശികളായ മുഹമ്മദാലി എന്ന ബാബു(43), സനൽ(35) എന്നിവരാണ് പിടിയിലായത്.
പ്രതികൾ മയക്കുമരുന്ന് കടത്താനുപയോഗിച്ച കാർ പോലീസ് പിടിച്ചെടുത്തു. തൃത്താല, ആലൂർ, കൂറ്റനാട്, പടിഞ്ഞാറങ്ങാടി, പരുതൂർ മേഖലയിലെ മയക്കുമരുന്ന് കച്ചവടത്തിൻ്റെ പ്രധാന കണ്ണികളായ പ്രതികൾ ജില്ലാ ലഹരി വിരുദ്ധ സ്ക്വാഡിൻ്റെ നിരീക്ഷണത്തിലായിരുന്നു. ലഹരിമരുന്നിൻ്റെ ഉറവിടത്തെക്കുറിച്ചും മയക്കുമരുന്ന് സംഘത്തെക്കുറിച്ചും പോലീസ് അന്വേഷണം ഊർജ്ജിതമാക്കി.
പാലക്കാട് ജില്ലാ പോലീസ് മേധാവി അജിത്ത് കുമാർ IPS ൻ്റെ നിർദ്ദേശപ്രകാരം ഷൊർണൂർ ഡി.വൈ.എസ്.പി. മുരളീധരൻ , നാർക്കോട്ടിക് സെൽ ഡി.വൈ.എസ്.പി ജേക്കബ്ബ് . M .T എന്നിവരുടെ നേത്യത്വത്തിൽ ഇൻസ്‌പെക്ടർ പ്രതാപിൻ്റെ നേതൃത്വത്തിലുള്ള തൃത്താല പോലീസും , പാലക്കാട് ജില്ലാ പോലീസ് ലഹരി വിരുദ്ധ സ്ക്വാഡിന്റെയും നേതൃത്വത്തിൽ
പട്ടാമ്പി SHO അൻഷാദ്,തൃത്താല എസ് ഐ ജെഫിൻ രാജു, എസ് ഐ ഹംസ SCPOമാരായ സുജീഷ്, ശ്രീരാജ്, ഹർഷാദ്, CPO മുനീർ, ഡാൻസാഫ് അംഗങ്ങളായ കമൽ, ഷൻഫീർ,സന്ദീപ്,സുഭാഷ്, സജിത്, എ എസ് ഐ അനിൽ എന്നിവരടങ്ങുന്ന സംഘമാണ് പരിശോധനയിൽ പങ്കെടുത്തത്.
