കുന്നംകുളത്ത് ഒരാഴ്ചയ്ക്കിടെ മോഷണം പോയത് മൂന്ന് ബൈക്കുകള്‍. ശനിയാഴ്ച മാത്രം രണ്ട് ബൈക്കുകള്‍ മോഷണം പോയി. ഡിയോ, സ്‌പ്ലെന്‍ഡര്‍, യമഹ, ബൈക്കുകളാണ് മോഷണം പോയിട്ടുള്ളത്.
വിവിധ സ്ഥലങ്ങളില്‍ നിന്നാണ് ബൈക്കുകള്‍ മോഷ്ടിച്ചിട്ടുള്ളത്. മോഷണത്തിന് പിന്നില്‍ രണ്ട് യുവാക്കളാണെന്നാണ് സിസിടിവി ദൃശ്യങ്ങളില്‍ പരിശോധിച്ച പോലീസ് പറയുന്നത്.സംഭവത്തില്‍ കേസെടുത്ത പോലീസ് പ്രതികള്‍ക്കായുള്ള അന്വേഷണം ഊര്‍ജിതമാക്കി.
കുന്നംകുളം തുറക്കുളം മാര്‍ക്കറ്റിനു സമീപത്തുനിന്നും, ഭാവന റോഡില്‍ നിന്നും, പെരുമ്പിലാവ് കൊരട്ടിക്കര കെ ആര്‍ ഹോട്ടലിനു മുന്‍പില്‍ നിന്നുമാണ് ബൈക്കുകള്‍ മോഷണം പോയിട്ടുള്ളത്.
ഒരാഴ്ച മുമ്പാണ് ആദ്യ ബൈക്ക് മോഷണം പോയത്. കുന്നംകുളം ബൈജു റോഡ് സ്വകാര്യ വ്യാപാര സ്ഥാപനത്തിന് മുന്‍പിലായിരുന്നു സ്‌കൂട്ടര്‍ പാര്‍ക്ക് ചെയ്തിരുന്നത്.
രണ്ട് യുവാക്കള്‍ സ്‌കൂട്ടറിനു സമീപം അല്‍പസമയം നില്‍ക്കുകയും കുറച്ചു സമയത്തിനുള്ളില്‍ ഈ സ്‌കൂട്ടറുകള്‍ എടുത്ത് പോകുന്നതിന്റെ ദൃശ്യമാണ് സിസിടിവിയില്‍ പറഞ്ഞിട്ടുള്ളത്. സമാനമായ സംഭവങ്ങളാണ് പെരുമ്പിലാവിലും കുന്നംകുളം ഭാവന റോഡിലും ഉണ്ടായിട്ടുള്ളത്.
