കുറ്റിപ്പുറം: പൊലീസ് ചമഞ്ഞ് ഹവാല പണം തട്ടിയ സംഭവത്തിൽ അഞ്ചുപേരെ പിടികൂടി. തിരുവനന്തപുരം വിളപ്പിൽശാല സ്വദേശികളായ താജുദ്ദീൻ (42), സുഫിൽക്ക് ഖാൻ, നവാസുദ്ദീൻ (43), തിരുവനന്തപുരം അടിമല്ലാത്തൂർ സ്വദേശി മൂത്തപ്പൻ ലോറൻസ് (26), മലപ്പുറം പാലച്ചുവട് ബഷീർ (48) എന്നിവരെയാണ് കുറ്റിപ്പുറം പൊലീസ് അറസ്റ്റ് ചെയ്തത്.
ജൂൺ അഞ്ചിന് കുറ്റിപ്പുറം തൃക്കണാപുരം തങ്ങൾപടിയിലാണ് കുഴൽപ്പണം തട്ടിയത്.ഹവാല ഏജന്‍റായ ബി.പി അങ്ങാടി സ്വദേശി റോഡരികിൽ സ്കൂട്ടർ നിർത്തിയ ശേഷം ഇടപാടുകാരന് പണം കൈമാറുന്നതിനിടെ പിറകിലെത്തിയ അഞ്ച് പ്രതികൾ പൊലീസാണെന്ന് പറഞ്ഞ് വാഹനത്തിൽ കയറ്റി തട്ടിക്കൊണ്ട് പോവുകയായിരുന്നു.
