ഫോട്ടോ എടുക്കുന്നതിനിടെ കാൽവഴുതി പുഴയിൽ വീണ നവദമ്പതികളുടെ മൃതദേഹങ്ങൾ കണ്ടെത്തി. ഇന്ന് രാവിലെയാണ് മൃതദേഹങ്ങൾ കണ്ടെത്തിയത്.
കടയ്ക്കൽ സ്വദേശി സിദ്ദീഖ്, ഭാര്യ നൗഫി എന്നിവരാണ് മരിച്ചത്.തിരുവനന്തപുരം
പള്ളിക്കൽ പുഴയിൽ ഇന്നലെ വൈകിട്ടായിരുന്നു സംഭവം.
അഞ്ച് ദിവസം മുമ്പായിരുന്നു സിദ്ദീഖിന്റെയും നൗഫിയുടെയും വിവാഹം.നവ ദമ്പതികള്‍ ബന്ധുവായ അന്‍സിലിന്റെ വീട്ടില്‍ വിരുന്നിന് എത്തിയതായിരുന്നു. വൈകുന്നേരം നാലരയോടെയാണ് അപകടം സംഭവിച്ചത്.
പള്ളിക്കപ്പുഴ പാലത്തിന് സമീപം പാറക്കെട്ടിന് മുകളില്‍ നിന്ന് ഫോട്ടോ എടുക്കാന്‍ ശ്രമിക്കുന്നതിനിടെയാണ് ഇവര്‍ കാല്‍ വഴുതി പുഴയിലേക്ക് വീണത്.
ഫോട്ടോ എടുക്കുകയായിരുന്ന അന്‍സിലും പുഴയില്‍ വീണു. ഇയാളെ കണ്ടെത്തി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
