കൂറ്റനാട് ബസ് കാത്തു നിൽക്കുന്നതിനിടെ റോഡിൽ തളർന്നു വീണ വിദ്യാർത്ഥി മരിച്ചു

 


കൂറ്റനാട് : ബസ് കാത്തു നിൽക്കുന്നതിനിടെ റോഡില്‍ തളര്‍ന്ന് വീണ വിദ്യാര്‍ത്ഥി ആശുപത്രിയില്‍ വെച്ച് മരണപ്പെട്ടു. കൂറ്റനാട് അല്‍ അമീന്‍ ഇംഗ്ലീഷ് മീഡിയം സ്‌കൂള്‍ വിദ്യാര്‍ഥി മുഹമ്മദ് സിനാനാണ് (15) മരിച്ചത്.

വെള്ളിയാഴ്ച വൈകിട്ട് നാലു മണിക്കാണ് സംഭവം. കൂടെയുണ്ടായിരുന്ന സഹപാഠിയും അധ്യാപികയും മറ്റുള്ളവരും ചേര്‍ന്ന് ഉടന്‍തന്നെ പെരുമ്പിലാവിലെ സ്വകാര്യ ആശുപത്രിയില്‍ എത്തിച്ചു.

പിന്നീട് വിദഗ്ധ ചികിത്സക്കായി തൃശ്ശൂരിലെ സ്വകാര്യ ആശുപത്രിയിലേക്ക് മാറ്റിയെങ്കിലും ഞായറാഴ്ച രാവിലെ10 മണിയോടെ മരിക്കുകയായിരുന്നു.

കറുകപുത്തൂര്‍ ഇഞ്ചിരവളപ്പില്‍ ലത്തീഫിന്റെയും റെജിലയുടെയും മകനാണ്.സഹോദരങ്ങൾ റാഷിഫ്, മിദ്‌ലാജ്, മുഹമ്മദ്‌ ദിനൂസ്

Below Post Ad