തൃത്താല: ഫെബ്രുവരി 23 ഞായറാഴ്ച കാലത്ത് നിയന്ത്രണം വിട്ട കാർ ബസ്സിൽ ഇടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന യുവതി മരണപ്പെട്ടു.
കുമ്പിടി പെരുമ്പലം പള്ളിപ്പടി പുളിക്കൽ വീട്ടിൽ അബ്ബാസിന്റെ ഭാര്യ റഹീന (38) ആണ് മരണപ്പെട്ടത്.
അപകടം സംഭവിച്ചതിനെ തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിലേക്കും തുടർന്ന് തൃശ്ശൂരിലെ സ്വകാര്യ ആശുപത്രിയിലേക്കും മാറ്റിയിരുന്നു. അപകടം സംഭവിച്ചത് മുതൽ അബോധാവസ്ഥയിലായിരുന്നു.
കഴിഞ്ഞ ഞായറാഴ്ച്ച കാലത്ത് ആറരയോടെയാണ് കുടുംബസമേതം സഞ്ചരിച്ച കാർ തൃത്താല സെന്ററിൽ നിയന്ത്രണം വിട്ട് എതിരെ വന്ന ബസ്സിൽ ഇടിച്ചാണ് അപകടം
കുട്ടികളടക്കം ഏഴ് പേർ ഉണ്ടായിരുന്ന വാഹനത്തിൽ ഒരു വയസ്സുകാരനായ ഹൈസിൻ അപകട സ്ഥലത്ത് തന്നെ മരണപ്പെട്ടിരുന്നു.
പട്ടാമ്പി ഗ്രീൻ പാർക്കിൽ താമസിക്കുന്ന താഴത്തേതിൽ ഹനീഫ - ഭാര്യ റംല ദമ്പതികളുടെ മകളായ റഹീന സംഭവ സ്ഥലത്ത് മരണപ്പെട്ട ഹൈസിന്റ മാതാവ് കൂടിയാണ്.
ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പോലീസ് നിഗമനം ഇതിനെ തുടർന്ന് കാർ ഓടിച്ചിരുന്ന പട്ടാമ്പി ഗ്രീൻ പാർക്കിൽ താഴത്തേതിൽ ഫായിസിന് (26) എതിരെ അശ്രദ്ധമായി വാഹനമോടിച്ചു മരണത്തിനു കാരണമായതിനു തൃത്താല പൊലീസ് കേസെടുത്തിരുന്നു.
