പട്ടാമ്പിക്കാരൻ തേജസ് ശ്രദ്ധേയ വേഷത്തിൽ എത്തുന്ന പാതിരാത്രി വെള്ളിയാഴ്ച തിയേറ്ററുകളിലെത്തും.
ഇന്നലെ സിനിമയുടെ ടീസർ പുറത്തിറങ്ങി.നവ്യ നായരും സൗബിൻ ഷാഹിറും പോലീസ് വേഷത്തിൽ എത്തുന്ന 'പാതിരാത്രി'യിൽ റോബി എന്ന കഥാപാത്രത്തെയാണ് തേജസ് അവതരിപ്പിക്കുന്നത്. റെയിൽവേ സ്റ്റേഷൻ സൂപ്രണ്ട് ഇ.കെ ബാബുവിൻ്റെ മകനാണ് യുവനടൻ തേജസ്
അക്ബർ ട്രാവൽസ് സിഎംഡി ഡോ. കെ.വി അബ്ദുൽ നാസറും മകൾ ആഷിയ നാസറും ചേർന്ന് ബെൻസി പ്രൊഡക്ഷൻസിൻ്റെ ബാനറിൽ നിർമ്മിച്ച 'പാതിരാത്രി' റതീനയാണ് സംവിധാനം ചെയ്യുന്നത്.
ചിത്രത്തിന്റെ ട്രെയിലർ സോഷ്യൽ മീഡിയയിൽ ട്രെൻഡിങ് സ്ഥാനത്ത് തുടരുകയാണ്. ഒരു കൊലപാതകവുമായി ബന്ധപ്പെട്ട അന്വേഷണങ്ങളാണ് ചിത്രത്തിലൂടെ പറയുന്നത് എന്നാണ് ട്രെയ്‌ലർ നൽകുന്ന സൂചന.
സണ്ണി വെയ്ൻ, ആൻ അഗസ്റ്റിൻ എന്നിവരും വളരെ പ്രധാനപ്പെട്ട കഥാപാത്രങ്ങളെയാണ് അവതരിപ്പിക്കുന്നത്. ആത്മീയ രാജൻ, ശബരീഷ് വർമ്മ, ഹരിശ്രീ അശോകൻ, അച്യുത് കുമാർ, ഇന്ദ്രൻസ്, തേജസ് എന്നിവരാണ് ചിത്രത്തിലെ മറ്റ് താരങ്ങൾ.
