ചെറുതുരുത്തി പാലത്തിൽ വെച്ച് കുടുംബം സഞ്ചരിച്ചിരുന്ന സ്കൂട്ടറിൽ ലോറിയിടിച്ച് വീട്ടമ്മയ്ക്ക് ദാരുണാന്ത്യം.തളി പാറപ്പുറം മുല്ലയംപറമ്പിൽ വീട്ടിൽ ഫാത്തിമ (50) ആണ് മരിച്ചത്.
ബുധനാഴ്ച രാവിലെ ആറോടെ ഷൊർണൂർ റെയിൽവേ സ്റ്റേഷനിലേക്ക് പോകുന്ന വഴിക്കായിരുന്നു അപകടം.സ്കൂട്ടർ ഓടിച്ചിരുന്ന ഭർത്താവ് അബ്ദുൽ മുത്തലിബ്, മകൾ റംസിയ എന്നിവർക്ക് അപകടത്തിൽ പരിക്കേറ്റു. റംസിയ അടിയന്തര വിദഗ്ദ്ധ ചികിത്സയ്ക്കായി പി. കെ. ദാസ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. അപകടനില തരണം ചെയ്തതായി ആശുപത്രി അധികൃതർ അറിയിച്ചു. ഭർത്താവ് മുത്തലിബിന് നിസ്സാര പരിക്കുകൾ മാത്രമാണുള്ളത്.
മക്കൾ: അബ്ദു റൗഫ്, റഹീം എന്നിവർ മക്കളാണ്.മൃതദേഹം നാളെ രാവിലെ 7 മണിക്ക് പാറപ്പുറം മഹല്ല് ഖബർസ്ഥാനിൽ ഖബറടക്കും
അപകടം നടന്ന ഉടൻ തന്നെ പ്രദേശവാസികളും നാട്ടുകാരും രക്ഷാപ്രവർത്തനത്തിനായി ഓടിയെത്തി പരിക്കേറ്റവരെ ആശുപത്രിയിൽ എത്തിച്ചു.ചെറുതുരുത്തി പോലീസ് സ്ഥലത്തെത്തി മേൽനടപടികൾ സ്വീകരിച്ചു
